Кыргызстандык балбан Орозобек Токтомамбетов Венгрияда өтүп жаткан рейтингдик мелдеште коло байге жеңди. Бул тууралуу Дене тарбия жана спорт департаментинен билдиришти.
Маалым болгондой, Токтомамбетов 74 кг салмакта чейрек финалдык баскычтан баштады. Биринчи беттешинде венгриялык балбан Мурад Курамагомедовдон жеңилип калды. Бирок атаандашы финалга чыккандыгына байланыштуу коло үчүн беттешүүгө мүмкүндүк алды.
Анда өзбекстандык Бекзод Абдурахмонов жаракат алганына байланыштуу кыргызстандык балбанга жеңиш ыйгарылып, 3-орунду ээледи.
Эскерте кетсек, рейтингдин мелдеш 6-июндан 9-июнга чейин Будапешт шаарында өтүүдө.
Биздин Телеграм каналга катталыңыз
