Орус-Кыргыз өнүктүрүү фонду ишкерлерге жылына 9% чен менен лизингге техникаларды алуу сунушун берет. Бул тууралуу фонддон маалымдашты.
Ишкерлер насыяны банк-өнөктөштөр аркылуу жаңы техникаларды 10% алдын ала төлөп, жети жылга чейин 9% чен менен улуттук валютада ала алат. Ал эми доллар менен жылына 5% ченде берилет.
Жаңыланган лизинг программасы айыл чарба техникаларын гана алууга эмес, кайра иштетүүчү, өнөр жай жана тамак-аш, медициналык жабдыктарды алууга болот.
Кошумчалай кетсек, өлкөдөгү капиталдык салымдардын ичинен лизингдин үлүшү 3.5% тузөт. Дүйнөлүк практикада бул көрсөткүч 30-35% түзөт.
