Ош шаарынын Жапалак айыл аймагына караган Тээке, Татар жана Төлөйкөн айылдарынын жолдорун оңдоо иштерине тендер жарыяланды. Бул тууралуу Ош шаардык мэриясынын алдындагы муниципалдык жолдор мекемесинен билдиришти.
Маалыматка ылайык жогоруда айтылган ар бир айылдын 1 километрдей жолдору асфальтталат.
Жолдорду асфальттоо иштери Ош шаарынын Татар айылынан башталды. Айылдагы Алиев көчөсүндөгү узундугу 612 метр, туурасы — 6 метр болгон жол асфальтталып, эки тарабы оңдолуп, ирригациялык тармактарды тартуу пландалган. Жумуштун тендердик баасы 7,5 млн сомду түзөт.
Ал эми алдыда Тээке айылынын Алибеков көчөсүнүн 1 км 450 метр аралыгын асфальттоо башталат. Ошондой эле жолдорду оңдоо Жапалак айыл аймагына караган Төлөйкөн айылында жүрөт.
