Ош шаардык мэриясынын маалыматына ылайык, шаардын борборуна 95 метрлик жаңы флагшток орнотулат.

Мэриянын маалыматына ылайык, бул демилге Ош шаарын өнүктүрүү жана мамлекеттик символдорду даңазалоо иштеринин алкагында ишке ашууда.

Максаты калаанын архитектуралык көркүн жаңы деңгээлге чыгаруу жана шаар тургундарына патриоттук маанай тартуулоо.

Белгилей кетсек, учурда борбордо турган 45 метрлик желек сап алынып, анын ордуна жаңысы курулат. Жаңы флагшток шаардагы эң бийик символдордун бири болуп саналат.