3-сентябрда Жогорку Кеңештин отурумунда депутат Гуля Кожокулова Ч. Айтматов проспектисиндеги мозаикалык паннонун алыныша байланыштуу тынчсыздануусун билдирди.

Эл өкүлү мэрия менен президенттик аппарат жоопкерчиликти бири-бирине жүктөп жатканын белгилеп, эки органдын тең абалды иликтеп, шаар тургундарына тарыхый панно тууралуу ачык маалымат берүүсүн талап кылды.

Кожокулова мындай вандализм жана эстеликтерге жоопкерсиз мамиле кайталанбашы керектигин белгиледи. Ал мурда да Жаш Гвардиядагы мозаика алынып салынганын эске салып, бийликти паннону калыбына келтирүү же башка жерге көчүрүү мүмкүнчүлүгү тууралуу маалымат берүүгө чакырды.