Кыргызстандын Улуттук коопсуздук мамлекеттик комитети Ысык-Көл облусунун Чок-Тал айылындагы «Дем ал» коттедждик шаарчасынын жери мыйзамсыз менчиктештирилгенин аныктады.

Маалыматка караганда, 4,5 гектар аянттагы жерди жеке колго өткөрүүдө мыйзам бузууларга жол берилген. Бул иштерге «Кадастр» мамлекеттик ишканасынын мурдагы бөлүм башчысы Т.А.К. катышканы белгилүү болду.

Ал «Дем ал» айыл чарба кооперативин түзүүнү демилгелегендердин бири болуп, жасалма документтерди колдонуу менен жер тилкесинин менчиктештирилишине шарт түзгөн.

Учурда шектүү УКМК тарабынан кармалып, тиешелүү тергөө амалдары жүргүзүлүүдө.