Президент Садыр Жапаров Ош облусуна болгон жумушчу сапарынын алкагында Ош шаарындагы Барпы Алыкулов атындагы жаңы парктын ачылыш аземине катышты.

Мамлекет башчысы иш-чаранын башында символикалык боону чечип, жаңы паркка расмий түрдө старт берди. Андан соң ал аймактын көрктөндүрүлүшү жана шаар тургундары үчүн түзүлгөн шарттар менен таанышты.

Ак-Буура дарыясынын боюнда жайгашкан парк 26 миң чарчы метр аянтты ээлейт. Курулуш иштери 2024-жылдын июль айында башталып, бүгүнкү күндө толугу менен аяктады.

Бул жер буга чейин кароосуз калган аймак болгон. Эми болсо жаңы паркта воркаут-зона, балдар аянтчасы, мини-футбол талаасы, унаа токтотуучу жай жана башка ыңгайлуу шарттар бар.