Ош шаарындагы Курманжан Датка көчөсүнө 300 даана акация дарагы отургузулду. Көчөт тигүү иш-чарасына шаар мэринин орун басары Эрнис Толтоев катышты.

Мэриянын маалыматында, Ош шаардык көрктөндүрүү жана жашылдандыруу чарба комбинаты быйылкы жылы шаар аймагына жалпы 1340 даана акация көчөтүн отургузууну пландаштырууда.

Аталган көчөнүн мурда жашыл аймагы жок болгондуктан, жөө жүрүүчүлөр үчүн тротуарлар менен кошо жашылдандыруу иштерин жүргүзүү каралган.