Ош шаарында айдоочулар мектебинин кызматкери пара талап кылууга шектелип кармалды. Бул тууралуу ИИМден билдиришти.
Милицияга шаар тургуну кайрылып, айдоочулар мектебинде иштеген кызматкер аял пара талап кылып жатканын билдирген. Анын айтымында, ал аял «сынактан ийгиликтүү өтүп, айдоочулук күбөлүк алуу үчүн» 50 миң сом сураган.
Аталган факт боюнча «пара талап кылуу» беренеси менен кылмыш иши козголгон.
ИИМдин маалыматы боюнча, айдоочулар мектебинин мугалими Д.С. 13-августта 40 миң сом пара алып жатканда кармалган.
Учурда тергөө иштери уланууда.
