Ош облусунун Кара-Суу районунда каракчылык жасоого шектелип 29 жаштагы жаран кармалды. Бул тууралуу Ички иштер министрлигинен билдиришти.

Маалыматка караганда, милицияга Кара-Суу районунун 52 жаштагы А.Т. аттуу тургуну арыз менен кайрылып, 23-октябрга караган түнү болжол менен саат 02:00до белгисиз адам үйүнө кирип, коркутуп, уруп анын 47 миң сом акчасын алып, окуя болгон жерден качып кеткендигин билдирген.

Аталган факты боюнча Кылмыш кодексинин 207-беренеси (Каракчылык) боюнча кылмыш иши козголгон.

26-октябрь күнү ыкчам-иликтөө иштеринин натыйжасында, каракчылыкка шектелип Ноокат районунун 29 жаштагы Д.Ж. уулу аттуу тургуну Ош шаарынан кармалып, убактылуу кармоочу жайга камакка алынган.

Учурда тергөө амалдары уланууда.

Биздин Телеграм каналыбызга катталыңыз