Ош шаарында 16-майга караган түнү мыйзамсыз курал алып жүргөн 3 жаран кармалды. Бул тууралуу шаардык милициядан билдиришти.

Маалыматка караганда, Ош шаарынын батыш тарабындагы жол айлампасында мыйзамсыз курал алып жүрүүгө шектелген кылмыштуу топтун мүчөлөрү бара жаткан «Мерседес-Бенц» унаасы токтотулган. Кармоо учурунда аталган топ милиция кызматкерлерине каршылык көрсөтүп, качууга аракет жасашкан.

Натыйжада милиция унаада бара жаткан Жалал-Абад облусунун 27 жаштагы Т.Ө. уулу, Ош облусунун 30 жаштагы Э. А. уулу жана 29 жаштагы Ш.Т. аттуу тургундарын кармаган. Алардан АКСУ-74У үлгүсүндөгү автомат (магазининде 4 огу бар болгон), 1 даана тапанча (магазинде 3 огу бар) табылып алынган.

Кармалгандар милиция бөлүмүнө жеткирилип, тергөө амалдары жүрүп жатат.

“Кармалгандардын баары мурда бир нече жолу сот жообуна тартылган жарандар”, – деп билдиришти милициядан.

[image_carousel source=”media: 189179,189180,189181,189182,189183″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз