Чүйдө өз энесин уруп-сабап, жаздык менен тумчуктурууга аракет кылган деп шектелип, 44 жаштагы жаран кармалды. Бул тууралуу Чүй облустук ички иштер министрлиги билдирди.

Жайыл райондук милициясына жаран кайрылып, анда ал өз агасы 2025-жылдын 29-декабрына караган түнү 75 жаштагы энесин уктап жаткан учурда жаздык менен тумчуктуруп өлтүрүүгө аракет кылганын билдирген. Апасы ага каршылык көрсөткөн учурда, аны уруп-сабаган.

Бул факты боюнча Кылмыш-жаза кодексинин «Уруп-сабап кыйноо» беренеси менен кылмыш иши козголгон.

Тергөөдө шектүү буга чейин жубайы менен WhatsApp аркылуу жазышып, анда энесин өлтүрүү ниети тууралуу билдирүүлөрдү жибергени аныкталган.

Шектүү кармалып, соттун чечими менен эки айга камакка алынган. Учурда тергөө иштери улантылууда.