18-24-январь күндөрү Бишкек шаарында хоккей боюнча U20 жаштар арасындагы дүйнө чемпионаты өтөт. Бул тууралуу Дене тарбия жана спорт агенттиги билдирди.

III дивизиондун B тайпасы боюнча чемпионат «Бишкек Арена» көп функционалдуу аренасында өтүп, Ага Кыргызстан, Мексика, Люксембург, Түштүк Африка, Иран жана Гонконг (Кытай) жаштар курама командалары катышат.

Турнир Кыргызстандын хоккей федерациясы тарабынан уюштурулуп, спорт мамлекеттик агенттигинин жана эл аралык хоккей федерациясынын (IIHF) колдоосу менен өтөт.