Ош облусунун Өзгөн шаарындагы жеке менчикке мыйзамсыз берилип кеткен 1 гектар 8 сотых жер тилкеси мамлекетке кайтарылды. Бул тууралуу УКМК билдирди.
Маалыматта айтылгандай, жерди жеке менчикке берүүгө мыйзамсыз токтом чыгаргандыгы үчүн Өзгөн шаарынын мурдагы мэри С.А.С.ка кылмыш иши козголгон. Жыйынтыгында Ош облустук соту аталган жер тилкени мамлекетке кайтаруу чечимин чыгарган.
