Парламент Медербек Сатыевди Жогорку соттун төрагасы кызматына дайындоого макулдук берди.
Сатыевдин талапкерлиги Жогорку Кеңештин бүгүн, 23-октябрдагы жыйынында каралды. Анын төрага болушун 75 депутат колдоп, каршы добуш бергендер болгон жок.
Эми Медербек Сатыевди төрага кызматына дайындоо тууралуу президент жарлык чыгарышы керек.
Эскерте кетсек, буга чейин төрагалык кызматты Замирбек Базарбеков ээлеп келген. Ал кызматтан кетүү тууралуу арыз жазганы 9-октябрда белгилүү болгон.
