Жакынкы арада медицина кызматкерлеринин айлык маянасы көтөрүлөт. Бул тууралуу Садыр Жапаров кечээ, 13-майда Сузак районундагы Эне жана баланы коргоо борборунун ачылыш аземинде билдирди.
Өлкө башчы аталган оорукана менен таанышуу учурунда кызматкерлер менен баарлашып, алардын маянасы тууралуу сурап, жакынкы арада көбөйөрүн айтты.
Ал эми УКМКнын төрагасы Камчыбек Ташиев медициналык мекеменин кызматкерлери кызматтык турак жай жана Мамлекеттик ипотекалык компания тарабынан курулуп жаткан батирлер менен камсыздала турганын кошумчалап, ошондой эле эмгек акы фондун эки эсеге көбөйтүлөрү жөнүндө айтып берген.
