Президент Садыр Жапаров “Жалпыга маалымдоо каражаттары жөнүндө” Кыргыз Республикасынын мыйзамына кол койду. Бул мыйзам 2025-жылдын 25-июнунда Жогорку Кеңеш тарабынан кабыл алынган.

Мыйзамдын максаты — Кыргызстанда көз карандысыз, атаандаштыкка жөндөмдүү жана жоопкерчиликтүү массалык маалымат каражаттарын (ММК) өнүктүрүү үчүн укуктук шарттарды жакшыртуу.

Мыйзамда төмөнкү негизги жоболор камтылган:

• ММКны каттоо, кайра каттоо жана жоюу тартиби, маалыматка жетүү укугу, юстиция органдарынын чечимине жараша ММКнын катталган деп эсептелиши жана ишмердүүлүктү токтотуу негиздери;
• Журналисттердин кесиптик ишине жана ММКнын уюштурулушуна тиешелүү ченемдер;
• Цензурага жана кызмат адамдарынын кийлигишүүсүнө тыюу салуу;
• ММКнын маалымат булагын жашыруун сактоого укугу (соттун талабы болбосо);
• ММК, редакция жана журналисттердин жоопкерчилиги жана айрым шарттарда жоопкерчиликтен бошотуу механизмдери;
• Кыргыз Республикасында чет элдик жарандардын жана компаниялардын ММКдагы үлүшү 35%дан ашпоосу керектиги белгиленген;
• Редакциялык саясатта этикалык стандарттарды сактоо милдеттендирилген.