Саймалуу-Таш мамлекеттик жаратылыш паркындагы уникалдуу петроглифтерди виртуалдуу реалдуулук (VR) технологиясынын жардамы менен көрүү мүмкүнчүлүгү пайда болду. Бул тууралуу Жаратылыш ресурстары министрлиги билдирди.

Маалыматта айтылгандай, аталган долбоор “Терра Паблик” коомдук фонду тарабынан ишке ашырылып, жалпы суммасы 4 млн сомду түзгөн.

“Долбоордун алкагында петроглифтердин бөлүгү толук санарип форматта жеткиликтүү болуп, виртуалдык туризм жана маданий мурастарды сактоо мүмкүнчүлүгү артты. Учурда дагы төрт каталогду даярдоо иштери пландалууда. Бул багытта кошумча грант алуу процесси жүрүп жатат”,- деп маалымдады министрлик.