Талас облусунда мыйзамсыз менчиктештирилген жер тилкелер мамлекетке кайтарылды. Бул тууралуу Башкы прокуратурадан билдиришти.
Облустук прокуратура текшерүү учурунда Талас шаарындагы облустук тиш дарылоо поликлиникасына таандык болгон жер тилке, кампа курулмалары жана Манас районунун Семетей айыл өкмөтүндөгү 27 сотых жер мыйзамсыз жеке менчикке өтүп кеткенин аныктаган.
«Прокуратура органдары тарабынан көрүлгөн чаралардын негизинде 11 млн 366,8 миң сомдук жер тилкелер жана курулмалар муниципалдык менчикке кайтарылды», — деп айтылат маалыматта.
