Маалыматка караганда, 22 жаштагы жигитке «Вандализм» жана «Террордук ишмердүулүккө ачык чакырык жасоо» беренелери боюнча күнөө коюлуда.
Тергөөнүн жүрүшүндө ал Интернет аркылуу П., аттуу жаран менен 5 миң рублге келишим түзүп, ага Орусия президентинин сүрөтүн тартып, алдына «Көрсөң өлтүр» деп жазылган трафарет даярдап берүүнү, андан соң бул сүрөттү боек жана трафареттин жардамы менен Петербургдагы имараттардын фасаддарына тартууну сунуштаганы аныкталган.
27-январда алты имаратка сүрөт тартылганы белгилүү болду. Шектүү күнөөсүн мойнуна ала элек. Соттун чечими менен ал 27-мартка чейин камалды. Анын өнөктөшүнүн бөгөт чарасы каралууда.
Орусиялык басылмалардын билдиришинче, эки киши тең Кыргызстандын жараны.
