Грек-рим күрөшү боюнча балбан Раззак Бейшекеев (67 кг) Бишкекте өтүп жаткан Азия чемпионатынын финалына чыкты.
Бейшекеев таймашты квалификациялык баскычтан баштады. Биринчи беттешинде ал монголиялык балбанды 14:0 эсебинде жеңди. Чейрек финалда казакстандык спортчу менен күч сынашып, аны 7:1 эсебинде утту.
Ал эми жарым финалда Бейшекеев 2:1 эсебинде Кореянын балбанына жеңилүү ызасын тарттырды.
Эми ал алтын үчүн ирандык спортчу менен күч сынашат.
