Россия-Кыргыз өнүктүрүү фондунун колдоосу менен Бишкекте гемодиализ борборунун жаңы филиалы ишке кирди. Долбоорго жалпы 1,5 миллион доллар каралган, анын 1 миллионун фонд бөлүп берген.

Каражатка жаңы имарат жана 43 гемодиализ аппараты сатып алынды. Жакынкы аралыкта алардын санын 100гө жеткирүү пландалууда. Жаңы филиалда күнүнө 300гө чейин гемодиализ процедурасы жасалат. Дарылоо кызматтары мамлекеттик милдеттүү медициналык камсыздандыруу фонду (ФОМС) тарабынан каржыланат.

Борбор өнөкөт бөйрөк ооруларына чалдыккан жарандарга сапаттуу жана жеткиликтүү медициналык жардам көрсөтүүнү максат кылат.