Россиянын миграциялык кара тизмесинен 4 миң кыргызстандык жаран чыгарылды. Бул тууралуу эмгек, социалдык коргоо жана миграция министринин орун басары Бакыт Дарманкул уулу билдирди. Анын айтымында, учурда кара тизмеде 74 миң кыргызстандык бар.
Жакынкы күндөрү дагы 36 миң адамдын тизмеден чыгарылышы күтүлүүдө, бирок банктык карызы же медициналык себептер болсо, алар тизмеде кала бериши ыктымал.
Эскерте кетсек, 2025-жылдын 10-сентябрына чейин мыйзам бузгандарга статусун мыйзамдаштырууга мүмкүнчүлүк берди.
Жарандар өз абалын Migrant.kg сайтынан текшере алышат.
