Президент Садыр Жапаров бүгүн, 28-сентябрда, «Германия – Борбор Азия» саммитине катышуу үчүн иш сапары менен Берлин шаарына учуп кетти. Бул тууралуу президенттин маалымат кызматы билдирди.
Аталган иш-чара 29-сентябрда өтөт. Иш сапардын алкагында Жапаров Германиянын канцлери Олаф Шольц менен эки тараптуу сүйлөшүүлөрдү өткөрөт. Ошондой эле Германиянын президенти Франк-Вальтер Штайнмайер менен Борбор Азия мамлекет башчыларынын жолугушуусуна, «Германиянын экономикасынын чыгыш комитети» герман ишкерлер ассоциациясынын мүчөлөрү менен жолугушууга катышат.
Кыргызстандын расмий делегациясынын курамы:
— президенттин жубайы Айгүл Жапарова;
— тышкы иштер министри Жээнбек Кулубаев;
— президенттин администрациясынын тышкы саясат бөлүмүнүн башчысы Муратбек Азымбакиев;
— президентке караштуу Инвестициялар боюнча улуттук агенттиктин директору Талантбек Иманов;
— экономика жана коммерция министринин орун басары Канат Абдрахманов.
Биздин Телеграм каналыбызга катталыңыз
