Мамлекеттик салык кызматынын түштүк аймагы боюнча ири салык төлөөчүлөрдү көзөмөлдөө башкармалыгынын бөлүм башчысы К.Н. кармалды. Бул тууралуу УКМКдан билдиришти.
Атайын кызматтын маалыматы боюнча, салыкчы Өзгөндө жайгашкан 0,80 гектар аянттагы ири объектти мыйзамсыз менчиктештирүү фактысын жашыруу жана кылмыш ишин козгобоо үчүн коопсуздук кызматкерине 1,5 млн сом пара сунуштаган.
Ал УКМК кызматкерине 1,5 млн сом пара берип жатканда колго түшүрүлүп, убактылуу кармоочу жайга камакка алынган.
Учурда тергөө уланууда. Ошондой эле мыйзамсыз менчиктештирилген объектти мамлекеттке кайтаруу иштери жүрүүдө.
