Кыргызгидромет өлкө боюнча аба ырайынын өзгөрүшү тууралуу шашылыш эскертүү берди.

Маалыматка ылайык, 23-24-сентябрда республика аймагында мезгил-мезгили менен жаан жаап, күн күркүрөйт. Ал эми бийик тоолуу райондордо кар түшөт.

Батыштан соккон шамалдын ылдамдыгы секундасына 4-9 метрден болуп, айрым аймактарда 15-20 метрге чейин жетиши мүмкүн.

Адистер белгилегендей, мындай аба ырайы:

• автоунаа каттамдарына тоскоолдук жаратышы,
• энергетика жана коммуналдык кызматтардын ишине таасир этиши,
• жайыттарда мал кармоону кыйындатышы мүмкүн.

Кыргызгидромет жарандарды жана айдоочуларды абайлап жүрүүгө чакырат.