Бүгүн, 12-февралга карата кардын тынымсыз жаашынан улам Бишкек-Ош унаа жолундагы Төө-Ашуу жана Ала-Бел, Суусамыр-Талас-Тараз жолундагы Өтмөк ашуусунда оор жүк ташуучу унаалар үчүн чектөө күчүндө калууда. Бул тууралуу Транспорт жана коммуникациялар министрлиги билдирди.

Мекеме жол тазалоо иштери тынымсыз жүрүп, толук көзөмөлгө алынганын билдирди.

“Азыркы тапта өлкөнүн ашууларында кар майдалап жаап жатат. Тайгак тилкелерге инерттик материалдар себилип, тазалоо иштери жүрүүдө”,- деп айтылат маалыматта.

Министрлик айдоочуларды кандай кырдаал жаралбасын каршы тилкеге чыкпай, жол эрежесин так сактоого чакырды.