Кыргызстандын аймагында 5-6-августта туруксуз аба-ырайы күтүлөт. Бул тууралуу ӨКМге караштуу Кыргызгидромет кызматы маалымдады.
Маалыматка караганда, күтүлүп жаткан нөшөрлүү жаан-чачынга байланыштуу, Ысык-Көл, Жалал-Абад, Ош жана Баткен облустарындагы тоо этектеринде жана тоолуу райондорунда сел жүрүшү мүмкүн.
“Бул күндөрү алыскы жолго чыгууда жаныңызга суусундук, жол азыгын камдап алууну унутпаңыздар!”, — деп айтылат маалыматта.
ӨКМ кырсык катталган учурда «112» номерине чалууну өтүнөт.
Бардык жаңылыктар Телеграм каналда
