Швейцариянын Кыргызстандагы элчилиги Бишкекте канализация курууга 13 млн. евродон ашык грант берди. Бул тууралуу аталган элчилик билдирди.
Бүгүн Швейцариянын элчиси Оливье Бангертер, Бишкектин мэри, “Бишкексууканалдын” жана ЕРӨБдүн өкүлдөрү узундугу 11 км болгон жаңы канализациялык коллекторду куруу боюнча долбоорго барышты.
Бул коллектор Бишкектин түштүк жана батышындагы жаңы конуштардын жашоочуларын шаардык тармак менен байланыштырмакчы.
“Долбоор 150 000ге жакын адамдын жашоосун жакшыртат. Швейцария бул долбоор үчүн грант түрүндө 13 миллиондон ашык евро бөлүп берди”, — деди элчи Бангертер.
Биздин Телеграм каналыбызга катталыңыз
