.svg){kind=logo}
Кыргызстанда күйүүчү майдын жетишсиздиги көйгөйү жок экени айтылдыЖККУ кибермейкиндиктеги «Прокси» менен күрөшүүнү көздөйтКытайдын Синьцзян-Уйгур автономдук району ШКУ өлкөлөрү менен практикалык өз ара аракеттенүүнү кеңейтүүнү көздөйтӨкмөт башчы Бишкек жана Чүйдөгү ооруканаларды текшерип, бир катар көйгөйлөрдү аныктадыОштогу Ак-Буура дарыясынын жээгине веложол, сейил бактар курулатБаткен жана Нарын облустарында айыл чарба өсүмдүктөрүнүн жаңы сорттору сыноодон өтүүдө
Соодагерди сабаган Оштун спорт комитетинин башчысына иш козголду
15.03.2021 | 18:13
Ош шаардык жаштар иштери, дене тарбия жана спорт комитетинин төрагасынын милдетин аткаруучусу Бекдөөлөт Абакировго карата сотко чейинки өндүрүш иши башталды. Бул тууралуу Ош ШИИБинин басма сөз кызматынан билдиришти.
Маалыматка ылайык, 12-март күнү ШИИБге 1980-жылы туулган жаран Бекдөөлөт Абакиров жана дагы төрт адам келип, адамдык намысына шек келтирген сөздөрдү айтып, көптөп ур-токмокко алганын айтып, арыз менен кайрылган. Ал шаардагы базарлардын биринде соодагер болуп иштеген.
Учурда бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Учурда арыз ээсине соттук-медициналык экспертизалар дайындалганы айтылат.
Рубрики: Жаңылыктар, Окуялар
