Орусиянын президенти Владимир Путин Коопсуздук Кеңешинин төрагасынын орун басары Дмитрий Медведевди Президенттин Илим жана билим берүү кеңешиндеги орун басарлыгына дайындады. Бул тууралуу РБК билдирет.

Кеңешке Путиндин жардамчысы Андрей Фурсенко жана Коопсуздук Кеңешинин катчысынын биринчи орун басары Юрий Аверьянов дагы кирет.

Мамлекет башчысынын жарлыгында аталган кеңеш илимий-техникалык чөйрөнү жана билим берүүнү өнүктүрүү, Россиянын илимий өнүгүүсүнүн артыкчылыктуу багыттарын аныктоо, ошондой эле аны иштеп чыгуу жана ишке ашыруу боюнча чечимдерди кабыл алуу үчүн түзүлгөнү белгиленди.