Стамбулдагы Россия-Украина сүйлөшүүлөрү өтө турган жайга Украина, АКШ жана Түркиянын делегациялары келип, алгачкы үч тараптуу жолугушуу саат 13:45те башталганын РИА новости жазып чыкты.
Маалыматка ылайык, биринчи жолугушуу Түркия, АКШ жана Украина ортосунда өтүүдө. Ал эми саат 15:30да Түркия, Россия жана Украина ортосунда экинчи жолугушуу пландалган.
Бул сүйлөшүүлөрдү 2022-жылы үзгүлтүккө учураган тынчтык процессинин уландысы катары карап жатышат. Россиялык делегация буга чейин украин тарапты бүгүн саат 10:00дө (Бишкек убактысы боюнча 13:00дө) күтөөрүн билдирген.
