Улуттук коопсуздук мамлекеттик комитетинин төрагасы Камчыбек Ташиев Кыргызстанга келген дүйнөлүк футбол легендасы, «Алтын топтун» ээси Христо Стоичков менен жолукту.

Стоичков Кыргызстанга Football for Schools программасынын ачылышына конок катары чакырылган. Жолугушуу учурунда Камчыбек Ташиев футболду мектеп программасына киргизүү өлкөдөгү жаштардын өнүгүүсүнө жана спортко кызыгуусун арттырууга чоң жардам берерин белгиледи.

Программанын алкагында өлкөнүн мектептерине 3 600 топ таратылып, дене тарбия мугалимдери үчүн атайын окутуулар уюштурулары маалым болду.