Ош облусунун Кара-Кулжа районундагы Ылай-Талаа айыл аймагында таза суу берүү калыбына келтирилип, кырдаал турукташкандыгына байланыштуу өзгөчө кырдаал режими алынды. Бул тууралуу ӨКМдин басма сөз кызматы билдирди.
Маалыматка караганда, мындай чечим Ылай-Талаа айыл аймагынын башчысынын 2025-жылдын 2-январындагы буйругунун негизинде кабыл алынды.
Белгилей кетсек, суук аба ырайынан улам суу тоңуп, түтүктөр жарылып, жергиликтүү тургундар үчүн таза суу үзгүлтүккө учурагандыгына байланыштуу түзүлгөн кырдаалды жөнгө салуу максатында 2024-жылдын 18-декабрындагы Ылай-Талаа айыл аймагынын Токбай-Талаа айылына өзгөчө кырдаал режими киргизилген болчу.
Биздин Телеграм каналга катталыңыз
