Талас шаарындагы «Баатырлар» борбордук сейил багында сегиз жаңы аттракцион салынат. Бул тууралуу мэриядан билдиришти.
Шаар мэри Эрмат Жумаевдин айтымында, аттракциондор Талас облусун өнүктүрүү стратегиясына бөлүнүп жаткан 1 млрд 70 млн сомдун эсебинен салынат. Сегиз аттракционго 90 млн сом кетет деп пландалууда. Ал эми аларды кытайлык адистер кура турган болууда.
Учурда эки тарап меморандумга кол койгон. Андан кийин келишим түзүлөт. Макулдашууга кол коюлгандан кийин кытайлык компания аттракциондорду 4 айдын ичинде куруп берет.
Эрмат Жумаев «Баатырлар» сейил багынын мызамсыз берилип кеткен жерлерин кайтаруу иштери жүрүп жатканын белгиледи.
