Таластын Бакай-Ата районундагы 95,9 гектар сугат жер турак жай куруу үчүн жеке менчикке мыйзамсыз берилген. Бул тууралуу УКМК билдирди.

Маалыматта айтылгандай, аталган жер 2009-2024-жылдар аралыгында мамлекеттик кызмат адамдары тарабынан акчалай сыйлыкка жеке менчикке берилип кеткен.

Тергөө иштеринин жыйынтыгында, мурда Бакай-Ата шаардык шаар куруу жана архитектура башкармалыгынын башчысы болуп иштеген, азыр Токмок шаардык шаар куруу жана архитектура башкармалыгынын башчысы кызматында турган Ш.К.М.нын аталган кылмышка тиешеси бар экендиги аныкталган. Ал 18-мартта кармалып, убактылуу кармоочу жайга камалган.

Учурда тергөө жүрүп жатат.