Таластын Көпүрө-Базар айылында жаңы оорукана салынып жатат. Бул тууралуу Саламаттык сактоо министрлиги билдирди.
Оорукананын курулушу быйыл июнда башталып, келерки жылы аяктайт деп пландалууда. Анын курулушуна 98 млн сом бөлүнгөн.
Жаңы ооруканада төрөт бөлүмү жана үй-бүлөлүк дарыгерлер тобу жайгашат.
Көпүрө-Базардын тургундары жана жакын жайгашкан айылдардын тургундары ооруканага келип, дарыгерлерге көрүнө алат.
4-октябрда министр Алымкадыр Бейшеналиев менен Жогорку Кеңештин депутаты Марат Мураталиев оорукананын курулушу менен таанышты.
