14-сентябрда Тогуз-Торо районунун Каргалык айыл аймагынын Кызыл-Кыя жайлоосундагы өрт өчүрүлдү. Бул тууралуу Өзгөчө кырдаалдар министрлигинен кабарлашты.
Маалыматка караганда, кырсыктын кесепетинен болжол менен 70 гектар аянттагы куураган чөп күйгөн. Өрттү өчүрүүгө Тогуз-Торо райондук өзгөчө кырдаалдар бөлүмүнүн куткаруучулары жана жергиликтүү тургундардан 30 адам тартылды. Өрт саат 21:55 чамасында толугу менен өчүрүлдү.
