Тогуз-Торо районунун аймагында катталган кырсыктан улам 60 жаран эвакуацияланды. Бул тууралуу ӨКМден билдиришти.
25-августта Балыкчы — Жалал-Абад альтернативдик авто унаа жолунун 255-чакырымында болжолдуу 5000 куб (Казарман-Жумгал автоунаа жолунун 45-чакырымы) таш кулап, жолду тосуп калгандыктан жарандар жолдо калып калган деген маалымат саат 03:15 чамасында Тогуз-Торо району боюнча өзгөчө кырдаалдар бөлүмүнө келип түшкөн.
Аталган аймакта кырдаалды жөнгө салуу үчүн ӨКМден 3 куткаруучу, ИИМден 2 кызматкер, Макмал алтын комбинатынан айдоочу тартылып, кырсык катталган аймакта 60 жаран эвакувацияланды.
Жеринде ЖТК-18 мекемесинен 3 техника жол тазалоо боюнча иш алып барууда. Жабыр тарткандар жок.
Биздин Телеграм каналга катталыңыз
