Жогорку Кеңештин транспорт, коммуникациялар, архитектура жана курулуш боюнча комитети трактор айдоочусунун күбөлүгүн берүү жол-жобосун жөнөкөйлөтүү боюнча мыйзам долбоорун экинчи окууда жактырды. Бул тууралуу парламенттин басма сөз кызматы билдирди.

Жыйында баяндама жасаган айыл чарба министринин орун басары Нурлан Шерипов мыйзам долбоору трактор жана атайын техникаларды айдоочуларга күбөлүк берүү тартибин жеңилдетүү максатында сунушталганын билдирди. Анын айтымында техниканын түрүнө карата категориялардын санын 7ден 3кө чейин кыскартуу каралууда.