Улуттук илимдер академиясынын Сейсмология институтунун маалыматына ылайык, түндө Кыргызстан аймагында күчү 3,5 баллга жеткен жер титирөө болду.

Сейсмологдордун билдирүүсүндө, жер титирөө саат 2:05те катталган. Очогу Кашка-Суу айылынан 18 чакырым түндүк-батышта, Кара-Кабак айылынан 19 чакырым түндүк-батышта жана Дароот-Коргон айылынан 35 чакырым түндүк-чыгышта жайгашкан.

Жер титирөөнүн күчү:

• Кашка-Суу, Кара-Кабак, Кабык айылдарында — 3,0 балл,
• Сары-Могол, Дароот-Коргон, Талды-Суу айылдарында — 2,5 баллга чейин сезилген.

Болжолдуу маалыматтар боюнча, кыйроолор жана жабыркагандар тууралуу маалымат түшө элек.