Түркиянын Ван аймагында Рахманкул хандын 110 жылдыгы, Түркиянын 100 жылдыгы белгиленди. Бул тууралуу Тышкы иштер министрлиги билдирди.

Иш-чаранын алкагында Рахманкул хандын жаркын элесине арнап куран окулуп, «Көк бөрү» улуттук спорттук оюну, ошондой эле Кыргызстандан келген акын-импровизаторлордун жана жергиликтүү бий тобунун катышуусунда концерттик программа тартууланды.

Вандык кыргыздарга Нарын облусу белекке берген улуттук боз үй тигилип, анын ичинде Рахманкул ханга арналган сүрөт көргөзмөсү уюштурулду.

Кыргыздын акыркы ханы Рахманкул хан 1913 -жылы төрөлүп, 1990-жылы Түркияда каза болот.