Түрмөдө олтурган кибер алдамчы Балыкчы шаарынын тургундарын 100 миң сомго алдап кеткен. Бул тууралуу Ысык-Көл облустук ички иштер башкармалыгы билдирди.
Алардын маалыматында, Чүй облусундагы №3 түрмөдө отурган 29 жаштагы С.Я «Лалафо» жана телеграм аркылуу элдерди алдап, акча котортурган.
«Лалафодо» «Вольсфаген вента» унаасын сатыкка коюп, алдын ала 60 миң сом талап кылган. Акча которулгандан кийин байланышка чыкпай калган.
Ал эми телеграмдагы «Кыргызстан валмарт» деп аталган тайпа аркылуу, акчасын көбөйтүп берүү убадасы менен Балыкчынын дагы бир тургунун 40 миң сомго алдап кеткен.
Ага иш козголуп, Балыкчы шаарынын убактылуу кармоочу жайына жеткирилди.
Милициянын айтымында, шектүү күнөөсүз моюнга алып, чыгымды төлөп берүүгө даяр.
