Кыргызстандын Тышкы иштер министрлиги кыргызстандык жарандарды АКШда жүрүүнүн тартиби жөнүндө кабарлап, төмөндөгү негизги жагдайларга көңүл бурууну өтүндү.

Маалыматта айтылгандай, эми АКШда болуу мөөнөтүн ар бир кирген учурда АКШнын Бажы жана чек ара кызматынын кызматкери аныктайт, бул визанын мөөнөтүнө көз каранды эмес.

АКШга баргандан кийин жарандарга Бажы жана чек ара кызматынын онлайн-сервисинен (I-94 формасы) өздөрүнө уруксат берилген мөөнөттү текшерип коюу сунушталат. Текшерүү шилтемеси: https://i94.cbp.dhs.gov

ТИМ жарандарга белгиленген мөөнөттү так сактоо керектигин, АКШ аймагынан I-94 формасында көрсөтүлгөн датадан кечиктирбестен чыгып кетүү зарылдыгын эскертти. Визалык режимди бузуу терс кесепеттерге алып келиши мүмкүн.