УКМК активист Зарина Төрөкулованын кармалышы боюнча үн катты.

Эскерте кетсек, буга чейин Төрөкулова УКМК тарабынан кармалганы тууралуу кабарланган.

УКМКнын маалыматы боюнча, Зарина Төрөкулова өзүнүн “Фейсбуктагы” баракчасына Кылмыш-жаза кодексинин 278-беренесинин 2-бөлүгүнө (массалык баш аламандыктар) туура келген чагымчыл маанайдагы билдирүүлөрдү жарыялаган деп шектелүүдө.

УКМК кызматкерлери аны шектүү катары кармап, убактылуу кармоочу жайга камакка алган.

9-сентябрда Биринчи май райондук сотунда Зарина Төрөкулованын бөгөт чарасы каралып, ал 30-октябрга чейин камалган.

Учурда тергөө иштери жүрүүдө.

Белгилей кетсек, Зарина Төрөкулова “Фейсбуктагы” баракчасы аркылуу бийликке сын айтып келген.

Биздин Телеграм каналга катталыңыз