УКМК Кыргызстанда Кемин районундагы «Долпран» алтын кенинин башкы директорун кармады. Атайын кызматтын маалыматында, кытай жараны Т.Д. жетектеген «Кемин Ресурс Групп» ишканасы бир катар олуттуу мыйзам бузууга жол берген.

Текшерүү Жаратылыш ресурстары министрлиги менен ӨКМнын Токой кызматындын адистеринин катышуусунда жүргүзүлүп, кен аймагында 14 миң чарчы метрден ашык жер бузулганы, техникалык долбоор аткарылбагандыгы, жер бузулганы, лицензиялык келишимдин шарттары аткарылган эместиги топуракка зыян келтирилгени жана кендин кору боюнча туура эмес маалымат берилгени аныкталды. Ошондой эле жер казынасы жана өнөр жайдык коопсуздук боюнча мыйзамдардын талаптары бузулган.

Адистер экологияга өзгөчө ири өлчөмдө зыян келтирилгенин белгилешти.

Компаниянын жетекчиси Бишкек шаардык Октябрь райондук сотунун чечими менен УКМКнын тергөө абагына камакка алынды.