Бишкек шаардык соту «Клооп» редакциясынын оператору Александр Александровго жана мурдагы кызматкери Жоомарт Дуулатовго карата чыгарылган өкүмдү жеңилдетип, мурда берилген 5 жыл эркинен ажыратуу жазасын 3 жылдык пробацияга алмаштырды. Экөө тең сот залынан бошотулду.

Медианын мурдагы бухгалтерлерине карата өкүм өзгөрүүсүз калды, аларга да 3 жылдан пробация дайындалган.

Эске салсак, сентябрда Биринчи май райондук соту Дуулатов менен Александровду күнөөлүү деп таап, 5 жылга эркинен ажыраткан.

Октябрдын ортосунан тарта «Клооп» медиасы расмий түрдө экстремисттик уюм деп таанылган.

Буга чейин операторлор Александр Александров менен Жоомарт Дуулатов 5 жыл жалпы режимдеги колонияга кесилип, эки бухгалтерге 3 жылдан пробация берилгени маалымдалган.