Улуттук коопсуздук боюнча мамлекеттик комитет (УКМК) Ош шаарындагы жана Ош облусунун аймактарындагы күрөөканалардын ишин текшерди.

Текшерүү учурунда айрым күрөөканалар мыйзамда белгиленген пайыздык чендерди жогорулатып иштеп жатканы аныкталып, аларга айып пулдар салынды.

Ошондой эле 30дан ашуун күрөөкананын ишмердүүлүгү токтотулуп, кошумча текшерүү иштери дайындалды.

УКМК калкка мүмкүн эмес шарттарда акча каражатын берип, күрөө мүлкүн өз пайдасына которуу менен өзгөчө ири өлчөмдө киреше тапкан адамдарды аныктоо боюнча иш-чараларды улантарын билдирди.