УКМК Жалал-Абадда «Хизб ут-Тахрир» диний-экстремисттик уюмунун Сузак району боюнча лидери («масул») М.Н.Э. кармалганын билдирди.

Атайын кызматтын маалыматында, кармалган жаран Кыргызстандагы жана дүйнөлүк «Хизб ут-Тахрир» системасынын өкүлдөрү менен байланышта болгон. Ал облус аймагында экстремисттик идеологияны жайылтуу, жаңы мүчөлөрдү тартуу, тийиштүү материалдарды таратуу жана уюмду каржылоо үчүн каражат чогултуу менен алектенген.

Учурда М.Н.Э. УКМКнын тергөө абагына киргизилди.

УКМК уюмдун башка мүчөлөрүн жана түзүмдүк уячаларын аныктоо боюнча ыкчам-тергөө иштери улантылып жатканын билдирди.