«Чакан ГЭС» ААКы Ысык-Көл облусунун аймагында электромобилдер үчүн 10 кубаттоочу станция орнотууну пландаштырууда. Бул тууралуу Энергетика министрлиги билдирди.

Учурда кубаттоочу станцияларды жайгаштыруу үчүн жер тилкелерин ижарага алууга зарыл болгон уруксат берүүчү документтер даярдалууда. Долбоор «Чакан ГЭС» ишканасынын өз каражатынын эсебинен ишке ашырылат.

Станциялар төмөнкү калктуу конуштарда жайгашат:

• Балыкчы шаары — 2 бирдик;
• Бөкөнбаев айылы — 1 бирдик;
• Кызыл-Суу айылы — 1 бирдик;
• Каракол шаары — 2 бирдик;
• Түп айылы — 2 бирдик;
• Чолпон-Ата шаары — 2 бирдик.

Документтерди тариздөө иштери аяктагандан кийин курулуш-монтаждоо иштери башталат. Объектилерди ушул жылдын аягына чейин пайдаланууга берүү пландалууда.

Бул долбоор экологиялык таза транспортту өнүктүрүүгө, аймактын туристтик жана транспорттук инфратүзүмүн жакшыртууга багытталган.